nostradamus kehanetlerinden centurie 2'nin devamındaki bölümdür. orijinal hali kayıp olan yazı, 1555 ilk defa basılmıştır. yazının/şiirin ilk 15 parçası şöyledir:

i.
apres combat & bataille nauale,
le grand neptune à son plus haut befroy:
rouge aduersaire de peur viêdra pasle,
mettant le grand occean en effroy.

ıı.
le diuin verbe donra à la substance,
côpris ciel, terre, or occult au laict mystique:
corps, ame esprit ayant toute puissance,
tant soubs ses pieds comme au siege celique.

ııı.
mars & mercure, & l'argent ioint ensemble,
vers le midy extreme siccité:
au fond d'asie on dira terre tremble,
corinthe, ephese lors en perplexité.

ıv.
quand seront proches le defaut des lunaires,
de l'vn à l'autre ne distant grandement,
froid, siccité, danger vers les frontieres,
mesme où l'oracle a prins commencement.

v.
pres loing defaut de deux grands luminaires.
qui suruiendra entre l'auril & mars:
o quel cherré! mais deux grands debonnaires
par terre & mer secourront toutes pars.

vı.
dans temple clos le foudre y entrera,
les citadins dedans leur fort greuez.
cheuaux, boeufs, hômes, l'onde mur touchera,
par faim, soif, soubs les plus foibles armez.

vıı.
les fugitifs, feu du ciel sus les picques,
conflict prochain des corbeaux, s'esbatans
de terre on crie, ayde, secours celiques,
quand pres des murs seront les combatans.

vııı.
les cimbres ioints auecques leurs voisins
de populer viendront presque l'espagne:
gens amassez guienne & limosins
seront en ligue, & leur feront compagne.

ıx.
bourdeaux roüan, & la rochelle ioints,
tiendront autour la grand mer occeane,
anglois, bretons, & les flamans conioints
les chasseront iusqu'aupres de roüane.

x.
de sang & faim plus grand calamité,
sept fois s'appreste à la marine plage:
monech de faim, lieu pris, captiuité,
le grand, mené croc en ferree cage.

xı.
les armes batre au ciel longue saison
l'arbre au milieu de la cité tombé:
verbine rogne, glaiue, en face tison,
lors le monarque d'hadrie succombé.

xıı.
par la tumeur de heb, po, timbre, & rome
et par l'estang leman & aretin.
les deux grands chefs & citez de garonne,
prins, mortz noyez: partir humain butin.

xııı.
par foudre en l'arche or & argent fondu,
de deux captifs l'vn l'autre mangera
de la cité le plus grand estendu,
quand submergee la classe nagera.

xıv.
par le rameau du vaillant personnage,
de france infime, par le pere infelice:
honneurs, richesses: trauail en son viel aage,
pour auoir creu le conseil d'homme nice.

xv.
coeur, vigueur, gloire le regne changera.
de tous points contre ayant son aduersaire:
lors france enfance par mort subiugera,
vn grand regent sera lors plus contraire.

(sob - 14 Ocak 2017 21:36)